نعمة بلدك وأهلك

*بلدك وأهللك والمصريين عموما نعمة وما بعدها نعمة لا يشعر بها إلا من ذاق مرارة الغربة وألم الوحدة.
*شعور جميل لما يبقى حواليك أبوك....أمك....أخوك....أختك....خالك وخالتك....عمك وعمتك....جارك وصاحبك....وشعور مرير حين يتركك كل هؤلاء وتصبح وحيدا في بلد غريب عنك لم تتعود لهجته ولا تعرف شوارعه.
*عارفين ايه أكتر حاجة بتميز مصر عن أي بلد تاني (الروح)......الواحد هنا حاسس إنه جسد بلا روح حياة مادية إلى أقصى درجة.
*روح المصريين وترابطهم والود الي بينهم مش هتلاقيه في أي بلد تاني (هم في رباط إلى يوم الدين).
*والله لولا إن الواحد كان مضطر للسفر ما كنت أسيب حبيبتي مصر أبدا.
*يمكن أول حاجة هعملها لما أرجع مصر إني هسجد سجدة شكر لله.
*حزين عليك يا مصر اليومين دول بس إن شاء الله محنة وتزول وأتذكر مقولة لامام مسجد عبد الله وهبي الشيخ أحمد يونس (المنح تأتي من المحن)
*كل سوء واحفظها من مكر الماكرين وكيد الكائدين وشر المتربصين واجعلها أمنا وأمانا بفضلك وكرمك وجودك يا أرحم الراحمين.
وللهم إني أستودعك مصر أمنها وأهلها فاحفظها من كل سوء
والسلام عليكم ورحمة الله وبركاته


بقلم:
د.محمد سيد

الزبائن من اسباب ذكر الله

 

*أول ما بخرج من المنزل بقول الدعاء ده:( بسم الله توكلت على الله ولاحول ولاقوة إلا بالله. اللهم إني أعوذ بك أن أضل أو أُضل، أو أزل أو أُوأزل أو أظلم أو أُظلم أو أجهل أو يجهل علىّ)
*ساعات الزباين بتكون من أسباب ذكر الله إزاي؟؟؟؟هقولك........
*أنا عندي مشكلة صغيرة إن لو زبون جاللي الصيدلية واتكلم معايا بطريقة مش كويسة ممكن أفضل مخنوق طول اليوم وأحس إني مش قادر أتنفس عشان كده بستعين بذكر الله على الزبائن.
*يعني لو حسيت إن الزبون ده متعب أو خنيق بقول (اللهم اكفنيه بما شئت وكيف شئت).
*ببقى فرحان جدا لما أوصف علاج لمريض ويجي  يقوللي والله يا دكتور العلاج اللي إنت أديتهوني كويس جدا والحمد لله أنا خفيت عشان كده لما بأوصف علاج لحد بقول (اللهم اشفه شفاء لا يغادر سقما).

*هنا في السعودية في زباين لما تشوفهم تقول (ما شاء 

الله) زي السوريين مثلا ناس محترمين جدا

*وفي زباين لما تشوفهم تقول (لا حول ولا قوة إلا بالله) زي 

بعض السودانيين واليمنيين.

*وفي زباين لما تشوفهم تقول (صبرني يا رب) زي الهنود 

كده ممكن يقعد يلف في الصيدلية نص ساعة بدون مبالغة 

وفي الآخر ما يشتريش حاجة.

*أما لو شوفت واحد مصري بقول (الحمد لله).

*أما البدو لما تشوفهم ودول أصعب ناس ممكن تتعامل 

معاهم أسهل حاجة عنده اللعن وعادة بيبقي فوق الستين 

سنة فبتبقى مش عارف تعمل معاه إيه فلما بشوفهم بقول 

(إنا لله وإنا إليه راجعون اللهم أجرني في مصيبتي واخلف 

لي خيرا منها).

*ولما الكفيل بيتأخر عليه في النواقص أو الشغل يبقى 

تعبان في اليوم ده لما بشوف زبون داخلي الصيدلية بقول 

(يا رب يلاقي حاجته موجودة ويأخدها وأحيانا بزود وما 

يفاصلش في السعر- مهو ربنا كريم بقه- لأني بكر 

ه الفصال سواء كنت بايع أو مشتري).

*ألا بذكر الله تتطمئن القلوب...........................(صدق ربي 

العظيم)

بقلم

د.محمد سيد

الفووووووول

*من أجمل الأكلات اللي موجودة في مصر مش هتلاقيها في السعودية بنفس الجمال (الفوووول).
*الفول هنا معلبات ومع محاولات المصريين المضنية إنهم يعملوا منه فول زي مصر دائما تبوء هذه المحاولات بالفشل.
*بصراحة الأكل عامة في مصر شكل ولون وطعم تاني خالص حتى الفول.
*إحنا عندنا هنا وبالذات لأني في بلد صغيرة اللحمة البقري بتتباع يوم الخميس بس ولازم تحجز من يوم الأربعاء وأخوكم والحمد الله (الله يقطع الزهايمر وسنينه) كل أسبوع أنسى أحجز بقالي شهرين دلوقتي ما أكلتش لحمة.
*حصل معايا موقف مع الفوول دخلت مطعم في الرياض كنت هفطر أنا وابن الكفيل أخدت المنيو لقيت مكتوب "فول مصري" فرحت جدا وقولت أخيرا وفي الآخر لقيتهم جايبلي طبق في فول مش عارف أوصفه الصراحة (لا زيت ولا توابل ولا مدعس ولا أي حاجة خالص) كنت عاوز أروح أقوله على فكرة إنت فاهم الفول المصري غلط خالص.
*بالنسبة للطعمية فهي هي بس بتاع مصر أحلى برده.
*وفي الآخر عاوز أقول للفول المصري I Miss U 

بقلم:
د.محمد سيد

الفزورة

الحبوب الزرق-الحبوب الخضر-أبو زهرة-أبو تفتة-فوار كلى-حليب رقم 3-الكريم الأبيض-الشامبو الأحمر-كريم أبو حصان-كريم أبو عضلات-عصار الحفا-حبوب الحصان
فوازير فوازير فوازير
*شغلانتنا أحيانا بتبقى شغلة فوازير بس الفوازير في مصر حاجة وفي السعودية حاجة تانية خاااااالص.
*في مصر ممكن المريض يقولك اسم الدواء أو شكل ولون العلبة أو يديك روشتته أو يجبلك حاجة من قطره أما في السعودية يخش عليك الزبون يقولك عندك حبوب روماتيز تقوله طيب اسمها إيه طيب سعرها طيب لون العلبة طيب غالية ولا رخيصة وتسمع إجابة واحدة لكل الأسئلة دي (والله ما بدري)(مش عارف بالمصري) وطبعا الكلام ده مش مع كل الزباين وممكن بعد ما تفيص منه يقولك دقيقة علبتها معايا في السيارة طيب يا عم ما تقول كده من الأول.
*كل ده مش مشكلة الصعوبة بقه إنه ممكن يقولك استخدام غلط أساسا وفي الآخر عاوزك تجيبله الدواء اللي هو عاوزه ومن أول مرة ولو معرفتوش تبقى مش صيدلي.
*جاللي واحد قبل كده قاللي عاوز حبوب ضغط
اسمها إيه:............
سعرها:..........
لون العلبة:...........
غالية ولا رخيصة:..........
جبتله أدوية الضغط كلها اللي عندي وفي الآخر بيشاورلي على الفولتارين 50 أقراص وبيقولي هذا هي قولولي بقه أقوله إيه  ساعتها.



بقلم:
د.محمد سيد

نعمة مية الحنفية

*من الحاجات اللي قابلتني في المملكة العربية السعودية 


موضوع مية الحنفية ده.


*طبعا احنا متعودين في مصر نشرب من الحنفية عادي من 


غير مشاكل.


*بس هنا مية الحنفية لا تصلح إلا للوضوء والاغتسال.


*المية هنا تنقسم لأربع أقسام:


1-مياه زمزم:ودي بتشتري قارورة 5 ليتر ب13 ريال.
2-مية للوضوء والاستحمام:ودي بتبقى مش نقية قوي 


وبنشتريها برده العربية ب 120 ريال ممكن تقضيك الشهر 


كله.
3-مية للطبيخ:ودي بتبقى مدعمة من الحكومة القارورة 5 


ليتر بريال واحد.
4-مية للشرب:ودي موجودة في البقالة والسوبر ماركت 


القارورة ب5 ريال ودي بتبقى معدنية وحلوة وزي الفل.


كل ده مفيش منه مشاكل أنا اللي هيجنني إن احنا في 


مصر عندنا نهر النييييييييييل وعندنا أزمة في المية في بعض 


الأماكن والسعودية معندهاش نيل والمية متوفرة لكل الناس 


وفي جميع الأماكن والمناطق على مستوى المملكة.
والموضوع ده بيخليك تعرف نعمة المية وتحافظ عليها يعني 


متلاقيش واحد بيرش ميه في الشارع والاسراف اللي 


بنشوفه في مصر

بقلم د.محمد سيد

أزمة اللغة

*من المشاكل الذي واجهتني في أول قدومي المملكة العربية السعودية عجائب اللغة السعودية بالأضافة إلى اللغات الأخرى.
*ساعات كنت ببقه خايف أقف لوحدي لحسن حد يكلمني فمافهمش كلامه فيقول عليه مش فاهم أو ده مش صيدلي.
*إنت عندك ما شاء الله في المملكة (الهندي والباكستاني والسوري واليمني وطبعا السعودي)
*ده في هنود ممكن يكلموا مع بعض ما يفهموش بعض لأن في الهند كل منطقة وليها لغتها.
*وكنت أتعجب إني في خطبة الجمعة كل كلمات الأمام مفهومة ويجيلك السعودي الصيدلية ساعات متفهمش كلامه.
*أول ما روحت الصيدلية وفي فترة التدريب اشتريت كراسة وقلم وقعدت مع الصيدلي اللي دربني وعملتلي قاموس (مصري-سعودي) و(مصري-هندي) وبقية الجنسيات ربك بيسترها.
*بس الحمد لله مع الخبرة والتعود الموضوه بيتسهل وبيبقى لذيذ وممتع.
*وأدي معاني بعض الكلمات للي ناوي يسافر السعودية.

سمسم:مثل
تحاميل:لبوس
براويز:سرنجات
عصار:مرهم أو كريم
حاشي:لحمة جمال مسلوقة
مرجي:فرخة
مجلجل:لحمة محمرة
دات وثمة وخلف:حلمة بزازة
العضيم:اللوز
الورعان:أولاد
رضاعة:بزازة

نفسي يجي اليوم إن العرب والمسلمين يكلموا لغة واخدة لغتنا العربية الفصحى (لغة القرآن)(لغة الضاد) ويشيلوا موضوع الفيزا والحدود بين الدول ونكون أمة واحدة بجد وأشوفكم في الحلقة الجاية إن شاء الله.




بقلم:
د.محمد سيد

السرنجة والنوم على السيراميك

*أكيد في كتير مننا بيدي حقن في الصيدلية وأحيانا بتكون في مواقف مضحكة جدا لما تيجي تدي واحد حقنة..........
*هقولكم كده على بعض المواقف اللي حصلت معايا.


(موقف رقم 1):
كنت في الصيدلية وطفل صغير هيأخد حقنة وعمال يعييييييط يعييييييييييط وأنا بحضرها وأول ما أديته الحقنة سكت!!!!!!!


(موقف رقم 2):
أديت للمساعد يحل الحقنة وبعدين إنشغلت في روشته تانيه وبعدين خدت منه السرنجة وإديتها للمريض وبعدين اكتشفت إن المساعد ما حلش الحقنة أساسا وإني إديت الراجل ال distilled water بس...

(موقف رقم 3):

كان فيه زبون (body building) والموقف ده حصل في صيدلية الوفاء وكان عنده دور برد ومعاه حقنة أولفين وحقنة نيورفيت فأنا إديته الاولفن الاول وبعدين جيت أديله النيورفيت لقيته أغمن عليه ووقع في الأرض وأنا ساعتها وشي جاب ألوان وما كنتش عارف أعمل إيه شويه كده وفاق والحمد لله.

(موقف رقم 4):

كانت إمرآه عجوز والدكتور كاتبلها على حقنة إبيدرون وريد وبعد ما خدت الحقنه أغمن عليها برده وجينا نفوقها تصوت وتقول سيبووووووووني أنا عاوزة أموت هنا.

(موقف رقم 5):

وده كان في السعودية الراجل عاوز يأخد حقنة فولتارين وأنا بسحب الحقنة لقيته نام على بطنه على السيراميك بتاع الصيدلية عشان أديله الحقنه عضل استغربت جدا وماسك نفسي من الضحك بس المهم إديتله الحقنة والحمد لله.

بقلم:
د.محمد سيد

الكفيل وعياله...!!

• 
  

  

  
  

  كانت أكتر حاجة قلقاني من السفر إلى المملكة موضوع الكفيل ده.إزاي يبقى واحد متحكم فيك طول الوقت.
  *ولما جاللي العقد مكتوب فيه (يشترط في الصيدلي ألا يكون مدخن) استبشرت خير وقولت أكيد الراجل ده متدين ويعرف ربنا.
  *ولكن............لم أجده متدينا كما توقعت هو إنسان عادي غير متدين ولكن الحمد ...لله لم أجد سوءا في معاملته لي حتى الأن.
  *مشكلتي الوحيده معاه إنه مش صيدلي فمش فاهم شغل الصيدلية فبيتعبني جدا في الطلبيات.
  *أهم حاجة عنده البونص حتى لو الصنف مش شغاااال (مادي إلى أقصى درجة) ولكن لا يبخسك حقك يعني مرتبك هتأخده كامل مش ناقص ريال وأول الشهر.
  *ولاده كوكتيل في منهم اللي شغال في الجيش وواحد معاه دبلوم صيدلة واتنين مدرسين وفي منهم اللي مش متعلم.
  *أكتر حاجة عاجباني فيهم الترابط الأسري اللي اففتقدناه في بعض البيوت المصرية إن الأب وأولاده متجمعين على طول سواء في مكتبه أو بيته.
  *أعتقد من أهم الأشياء من وجهة نظري عشان تهون عليك غربتك انسى إنك في السعودية وتعالوا نرجع للأصل إن كلنا أمة مسلمة واحدة وسيبكم من موضوع الحدود اللي بتفصل بين الدول وبلاش سعودي ومصري ولو أساء إليك سعودي فتذكر رسول الله صلى الله عليه وسلم وكيف كان الأعراب يعاملونه وهو يصبر على أذاهم.
  *في تجربتي مع الكفيل حتى الأن لم أجد معاناة حقيقية ولكن يوجد الكثير يعانون ولابد أن نجد حلا لهذه المشكلة اللي هي دايما بتبقى محدودة مع الصيادلة 

  
  

  بقلم:

  د.محمد سيد

النصيب

كنت شغال في صيدلية الوفاء وجالي واحد صاحبي شغال معايا في الصيدليه وقال لي 


النهدي طالب صيادله ابعت cv على الايميل ده والمهله اسبوعين 


بعد اسبوع قال لي انت بعت ال cv بتاعك ........ قولتله لأ ..... لسه شويه كده وهابعته 


بعد تاني اسبوع قال لي ها بعته ....... والرد طبعا كان لأ ....... قال لي ليه ؟؟؟ قولتله مش 


عارف بس يمكن كسل ........ قال لي دول اتصلوا بيا وحددوا ميعاد الانترفيو بتاعي يوم 


الاحد

قولتله اديني النمره اللي اتصلت بيك وانا هاكلمهم

وفعلا اداني النمره وانا تاني يوم اتصلت بيهم وحددت ميعاد يوم الاحد برده مع صاحبي



....... وجه يوم الاحد ورحنا مع بعض وكان ميعادنا الساعه 12 الظهر ..... ودخلنا الانترفيو 




الساعه 3 العصر .......... المفجأه بقى وهي تتلخص في عنوان الحلقه ........ ان انا نجحت 


في الانترفيو وقبلوني ......... وصاحبي اللي وداني ورحت بسببه ..... سقط (( لم ينجح )) 


.......... تابعونا في الحلقات القادمه .......(( اول يوم سفر ))

بقلم:

دشريف ياسين

أجمل لحظات العمر "رؤية الكعبة"

*كان حلم بالنسبة لي أن أرى في يوم من الأيام بيت الله الحرام ولم أكن أعلم أو أتصور أن 


أداء الحج والعمرة بالنسبة للوافدين للعمل بالمملكة بهذة 


السهولة.


*كنت أتوقع إن الموضوع محتاج فلوس كتيرة وأوراق ومستندات وروتين والذي منه.


*يرجع الفضل في ذلك بعد الله سبحانه وتعالى إلى صديق حبيب إلى قلبي يدعى أحمد 


ماجد يعمل في مكتب تذاكر طيران قال لي "إيه رأيك ما تروح 


تعمل عمرة قبل ما تروح للكفيل وبعدين الشغل هياخدك ومش هتعرف تروح"
*كانت مفاجأة بالنسبة لي وفكرة جميلة جدا والحمد لله إن ربنا وفقني ليها.
*وإنت داخل بالاتوبيس وتلاقي اليافطة اللي مكتوب عليها "بداية الحرم" شعور لا يوصف 


وروحانيات جميلة بتحس بيها في قلبك.
*نزلت من الاتوبيس ومعايا شنطتين مليانيين على الاخر وإنتو عارفين بقه الامهات (أمي 


كانت حاطالي ايشي كباية على علبة مربى على نص كيلو 


جبنة على ملاية سرير المهم يعني الشنطتين كانوا تقال جدا).
*واستغربت جدا إني ملاقتيش حد يعزم عليه ويقوللي هات أشيل معاك لحد ما قابلت راجل 


طيب ملتحي وتقريبا كده باكستاني كلمني بالانجليزي 


وخد مني شنطة من الاتنين وذهبنا لامانات الحرم وسبت الشنط هناك.
*خلاص بقه مش معايا ولا شنطة ولا أي حاجة ودخلت داخل المسجد الحرام مهما أقول 


مش هقدر أوصف الجمال والحلاوة والسكينة والهدووء 


والطمأنينة اللي الواحد كان حاسس بيها
*وشوفت الكعبة منظر لا ينسى وفعلا أجمل لحظات العمر تحس إن جسمك كلة بيهتز هزة 


جميلة لعظمة هذا البيت.
*الحمد لله كملت مناسك العمرة وروحت حلقت زلبطة لأول مرة في حياتي وأخذت تاكسي 


وأديني رايح على الرياض لو حد عاوز حاجة من الرياض 


يبقى يقولي.


بقلم
د.محمد سيد

أول يوم غربة

*كان يوم صعب بكل المقاييس ..فأنا لم أعتد أن أفارق أمي وأخوتي حتى ولو لاسبوع واحد

*ولم أكن مسافرا حبا في جمع المال ولكن ..اضطرتني الظروف للسفر رغما عني.

*من أصعب اللحظات في هذا اليوم 


    رؤية دموع أمي على الفراق ولكن ..سبحان الله الذي ثبتها وأبدلها بالدموع ضحكات حتى 


تهون علي.

*أول مرة أركب طيارة..


 إحساس رهيب وجميل ومرعب والطائرة تقلع وترتفع في الهواء والبيوت بتصغر حتى 


تختفي.. تحس إن روحك بتطلع منك.

*وصلت مطار ينبع


فإذا به في صحراء جرداء فتخيلت إني هطلع بره هلاقي جمال ماشية في الشارع ولكن ما 


شاء الله على التطور والحداثة اللي في المملكة العربية السعودية شيئ مختلف تماما عما 


يصوره الاعلام.

*في المملكة


 تحس إنك في جامعة الدول العربية كل الجنسيات ممكن تقابلها في الشارع 

(مصري/


يمني/سوري/سوداني/هندي/باكستاني/أفغاني وطبعا سعودي)


وعيش بقه مع اللغات.

*المهم اشتريت خط زين وطمنت أمي وزوجتي وأخواتي إني وصلت بالسلامة واتصلت 


على الكفيل وركبت الاتوبيس متجها إلى مكة رايح أعمل عمرة ولابس لبس الاحرام ولازال 


التفكير في المجهول يراودني ولا يتركني ولكن ما هون علي ألم الفراق فرح إني رايح أعمل 


عمرة وهشوف الكعبة لأول مرة.






بقلم:


د.محمد سيد